Nuestra Señora de Antipolo

Nuestra  Señora dela Paz 'y Buenviaje, also known as Birhen ng Antipolo (Virgin of Antipolo) is an image of Virgin Mary under the title of “Our Lady of Peace and Good Voyage”.  She is the patroness of Antipolo. She is one of the most popular Marian image in the Philippines, and millions of Catholic families had a devotion to the Our Lady.

Devotion to the Our Lady of Antipolo, let us pray.... 

 

Panalangin Para sa Birhen ng Antipolo

Masintahing Ina, sumasamo at dumudulog kami sa iyo. Tulungan mo kaming magpasalamat sa Panginoon sa lahat ng mga grasya at pagpapalang ipinagkaloob Niya sa amin. Sa tulong at awa mo, kami po ay iyong gabayan at akayim sa aming paglalakbay sa buhay. Sa aming pagtahak sa buhay na puno ng pagaalinlangan at pangamba, pagkalooban po ninyo kami ng lakas at tapang na tahakin ang landas ng iyong Mahal na Anak.

Mahal na Ina, lumalapit po kami sa iyo na dulutan mo ng mapayapang kalinga ang aming tahanan. Tulungan mo po kami na maitaguyod ng maayos at matuwid ang aming pamilya. Sa aming paglalayag sa buhay, palakasin at patatagin mo ang bawa’t isa sa amin na makabuo ng isang pamayanan na pinaghaharian ng iyong Mahal na Anak.

Nawa’y sa tulong at biyaya mo, Mahal naming Ina, kami ay kupkupin ng iyong Mahal na Anak at ilagay Niya kami sa ilalim ng Kanyang pagkakandili at huwag kaming iwanan sa paglalakbay sa buhay lalung-lalo na sa oras ng kagipitan. Sa pamamagitan mo, Inang Mahal, pagpalain at tangkilikin mo po ang aming paglalakbay upang mabuhay kami sa kapayapaan at marating namin ang kaluwalhatian ng buhay na walang hanggan. Amen.

Ina ng kapayapaan at mabuting paglalakbay, Birhen ng Antipolo…ipanalangin mo kami.